सोमबार बिहान भारतको मुम्बईबाट न्युयोर्कका लागि उडेको एअर इन्डियाको जहाज एआई-११९ मा बम राखिएको धम्की आएको छ।
भारतीय सञ्चारमाध्यमका अनुसार ८ घण्टा ३७ मिनेट उडिसकेपछि विमान फेरि मुम्बई फर्काइयो। विमानमा ३२२ यात्रु र १९ जना चालक दलका सदस्य थिए।एयर इन्डियाले उडानको शौचालयमा बम धम्कीपूर्ण पत्र फेला परेको बताएको छ।
सुरक्षा प्रोटोकललाई ध्यानमा राख्दै विमानलाई बीच बाटोबाटै मुम्बई फर्काउने निर्णय गरियो। विमान बिहान १०:२५ बजे मुम्बई आइपुगेको थियो। तर बम फेला परेन। धम्की झुटो भएको पाइयो।
