कटहर: स्वादिलो मात्र होइन, सावधानीका साथ खाने फल
भान्सामा लोकप्रिय हुने कटहर स्वादिलो मात्र होइन, पोषणले पनि भरिपूर्ण हुन्छ। यसमा फाइबर, पोटासियम, आइरन, क्याल्सियम, जिंक, भिटामिन ए र सि प्रशस्त पाइन्छ, जुन शरीरका लागि फाइदाजनक छन्।
तर कटहर स्वास्थ्यवर्द्धक भए पनि यसलाई अन्य केही खानेकुरासँग मिसाएर खानु हुँदैन। यस्तो मिसावटलाई विजातीय आहार भनिन्छ, जसले शरीरमा विषाक्त असर पुर्याउन सक्छ।
कटहरसँग नखानु पर्ने चीजहरू:
दूध: कटहर र दूधको गुणधर्म विपरीत हुन्छ, दुबैले मिसिँदा विषालु असर दिन सक्छ।
मेवा: कटहर खाएपछि तुरुन्तै मेवा खाँदा शरीर सुन्निने जस्ता समस्या देखिन सक्छ।
पान: कटहरपछि पान खानु पाचन र श्वासप्रश्वास समस्याका कारण हुन सक्छ।
मह: मह र कटहरको संयोजन विषाक्त मानिन्छ।
कसले कटहर नखाने?
दमका बिरामी वा कमजोर पाचन भएको व्यक्तिले कटहर नखानु नै उचित हुन्छ।
विजातीय आहार भनेको के हो?
एक अर्कासँग गुण नमिल्ने खानेकुरा, जसले स्वास्थ्यमा नकारात्मक असर गर्छ। उदाहरण: दूधमा नुन, महमा घिउ, केरा र मोही, दहीमा चिया आदि।
