बिर्तामोड स्थित क्लब गन्तव्यमा आज (शनिबार) ‘बलिउड थिम नाइट’ पार्टी आयोजना हुँदैछ। पहिलोपटक बिर्तामोडमा बलिउड थिममा आधारित विशेष रात्रिकालीन पार्टी आयोजना हुन लागेको आयोजकले जनाएको छ।
अक्टोबर १० अर्थात् आज साँझ ७ बजेदेखि सुरु हुने कार्यक्रममा भारतकी चर्चित डिजे बेला, स्थानीय रूपमा लोकप्रिय डिजे नक्स तथा झापाको चर्चित ब्यान्ड ‘राइटेश एन्ड द रेट्रोस’ ले प्रस्तुति दिनेछन्। बलिउड शैलीमा सजिएर सहभागी हुन सकिने यस कार्यक्रमले युवायुवती तथा संगीतप्रेमीलाई मनोरञ्जन प्रदान गर्ने अपेक्षा गरिएको छ।
बिर्तामोड नगरपालिका–३ मा भाटभटेनी नजिकै रहेको क्लब गन्तव्य पूर्वी मेची क्षेत्रकै ठूलो र आधुनिक क्लबका रूपमा परिचित छ। अष्ट्रेलियामा बसेर त्यहाँको अनुभव हासिल गरेका बिर्तामोडका युवा निर्भिक शिवाकोटीले सञ्चालनमा ल्याएको यस क्लबले मनोरञ्जनसँगै स्थानीय रोजगारी र पर्यटन प्रवर्द्धनमा समेत योगदान पुर्याउँदै आएको छ।
क्लबमा ४५ जनाभन्दा बढीले प्रत्यक्ष रोजगारी प्राप्त गरेको बताइएको छ। झापा, मोरङ, सुनसरी, इलाम, पाँचथर र ताप्लेजुङलगायत पूर्वी नेपालका विभिन्न जिल्लाबाट मात्र नभई भारतको दार्जिलिङ, सिक्किम, मिरिक र सिलिगुडी क्षेत्रबाट समेत युवा तथा अन्य पाहुनाहरू क्लबमा आउने गरेका छन्। लाइभ म्युजिक, डिजे प्रस्तुति र क्लबको मनोरञ्जनात्मक वातावरणका कारण गन्तव्य पूर्वी नेपाल र सीमावर्ती भारतीय क्षेत्रका मनोरञ्जनप्रेमीहरूको आकर्षणको केन्द्र बन्दै गएको छ।
क्लबमा आउने पाहुनाका कारण बिर्तामोडका अन्य क्याफे, होटल, रेस्टुरेन्ट तथा मनोरञ्जन व्यवसायलाई समेत लाभ पुग्ने र यसले समग्र क्षेत्रको पर्यटन प्रवर्द्धनमा टेवा पुर्याउने अपेक्षा गरिएको छ।
यसैबीच, क्लब गन्तव्यले केही दिनअघि झापाका विभिन्न कन्टेन्ट क्रिएटर तथा सामाजिक सञ्जालका इन्फ्लुएन्सरहरूसँग भेटघाट तथा परिचयात्मक कार्यक्रमसमेत आयोजना गरेको थियो। स्थानीय डिजिटल सामग्री उत्पादकहरूसँग सहकार्य र सम्बन्ध विस्तार गर्ने उद्देश्यले गरिएको उक्त कार्यक्रमले क्लबको गतिविधि तथा बिर्तामोडको मनोरञ्जन क्षेत्रलाई थप प्रचारप्रसार गर्न सहयोग पुग्ने विश्वास गरिएको छ।
आजको बलिउड थिम नाइटमा सहभागी हुन इच्छुकले ९७०२६५०५९० वा ९७०२६५०४१८ नम्बरमा सम्पर्क गर्न सक्नेछन्।
कार्यक्रम विवरण
– मिति: शनिबार, १० अक्टोबर २०२६
– समय: साँझ ७ बजेदेखि
– स्थान: क्लब गन्तव्य, बिर्तामोड–३, झापा (भाटभटेनी नजिकै)
– प्रस्तुति: डिजे बेला, डिजे नक्स तथा राइटेश एन्ड द रेट्रोस
– सम्पर्क: ९७०२६५०५९० / ९७०२६५०४१८
#ClubGantabya #BollywoodNight #Birtamode #JhapaNews #BtmrocksPublication
