संसद्मा दर्ता भएका ९ विधेयक र तिनका मूल उद्देश्यहरू
१. संवैधानिक निकायका पदाधिकारीहरूको सुविधासम्बन्धी विधेयक
मूल उद्देश्य: संवैधानिक निकायका पदाधिकारीहरूको दोहोरो सेवा/सुविधा खोस्ने।
२. कर्मचारी सञ्चय कोष (दशौँ संशोधन) विधेयक
मूल उद्देश्य: सबै प्रकारका कर्मचारीलाई निमित्त सञ्चय कोष, निवृत्तिभरण कोष लगायत सामाजिक सुरक्षा कोषमा आवद्ध गराउने।
३. बालश्रम (निषेध तथा नियमित गर्ने) विधेयक
मूल उद्देश्य: बालबालिकालाई कलकारखाना, खानी वा यस्तै अन्य जोखिमपूर्ण काम वा व्यवसायमा लगाउन निषेध गर्ने।
४. मेलमिलाप सम्बन्धी (दोस्रो संशोधन) विधेयक
मूल उद्देश्य: मेलमिलापको माध्यमबाट छिटो छरितो तथा सरल प्रक्रियाबाट विवादको समाधन गरी न्यायमा सर्वसाधारणको पहुँच बढाउने।
५. राहदानी (पहिलो संशोधन) विधेयक
मूल उद्देश्य: अन्तर्राष्ट्रिय मान्यताअनुसार राहदानी जारी गर्ने।
६. मानव बेचबिखन तथा ओसारपसार (नियन्त्रण) विधेयक
मूल उद्देश्य: बेचबिखन तथा ओसारपसारको कसूरमा दण्ड/सजायको दायरा थप फराकिलो बनाउने।
७. खानी तथा खनिज पदार्थ विधेयक
मूल उद्देश्य: रणनीतिक तथा सामरिक महत्वका खनिज तथा रेडियोधर्मी खनिज पदार्थसम्बन्धी विशेष व्यवस्था गर्ने।
८. आन्तरिक वायुसेवाको दायित्व सम्बन्धी विधेयक
मूल उद्देश्य: दुर्घटनाबाट यात्रुलाई लाग्नसक्ने चोटपटक वा अंगभंग, मृत्यु, उडान विलम्ब, यात्रास्थगन लगायतका कारण यात्रु, मालसामान वा तेस्रो पक्षमा पुग्ने क्षति सम्बन्धमा प्रस्टता गर्ने।
९. सङ्क्रामक पशु रोग (नियन्त्रण) विधेयक
मूल उद्देश्य: पशु सङ्क्रामक रोग नियन्त्रण गर्न तीन वटै तहको सरकार संलग्न भएर काम गर्ने।
